Redmi Note 13 Pro Plus : ચાઇનીઝ ટેક બ્રાન્ડ રેડમીની ભારતીય માર્કેટમાં સારી એવી પકડ છે. ભારતીય બજારમાં બજેટ અને મિડરેન્જ સેગમેન્ટમાં રેડમીનો સ્માર્ટફોન ઘણો પસંદ કરવામાં આવે છે. કંપની પોતાના ફેન્સને સસ્તા અને મોંઘા ફોન લોન્ચ કરતી રહે છે. Redmi Note 13 Pro Plus 5G માં 200MP રીઅર કેમેરા સેન્સર છે. Redmi Note 13 સિરીઝમાં, કંપની Redmi Note 13 અને Redmi Note 13 Pro Plus સ્માર્ટફોનની સાથે પ્રીમિયમ Redmi Note 13 Pro Plus 5G લોન્ચ કરશે.
Redmi Note 13 Pro Plus 5G ક્યારે થશે લોન્ચ
Redmi Note 13 Series : રેડમી નોટ 13 સિરીઝ (Redmi Note 13 series) ની ભારત લૉન્ચ તારીખ આખરે જાહેર થઈ ગઈ છે. Redmi Note 13 અને Redmi Note 13 Pro સ્માર્ટફોન ભારતમાં 4 જાન્યુઆરી, 2024ના રોજ પ્રવેશ કરશે. તમને જણાવી દઈએ કે આ સ્માર્ટફોનમાં ડિસ્પ્લે ફિંગર લોક સાથે ફાસ્ટ ચાર્જિંગ પણ છે, આ સીરીઝમાં Redmi Note 13 સિવાય Redmi Note 13 Pro, Redmi Note 13 Pro Plus પણ લોન્ચ કરવામાં આવશે.
ચીનમાં સપ્ટેમ્બરમાં લોન્ચ કરવામાં આવી
તમને જણાવી દઈએ કે Redmi Note 13 સીરીઝ ચીનમાં સપ્ટેમ્બરમાં લોન્ચ કરવામાં આવી છે. નવા સ્માર્ટફોન Redmi Note 12 સિરીઝમાં અપગ્રેડ થશે. ભારતમાં Redmi Note 12 Pro Plusની કિંમત હાલમાં 27,999 રૂપિયાથી શરૂ થાય છે.
Redmi Note 13 Pro Plus ફીચર્સ
Redmi Note 13 Pro Plus સ્માર્ટફોનમાં 6.67 ઇંચ 1.5K OLED ડિસ્પ્લે છે. સ્ક્રીનનો રિફ્રેશ રેટ 120Hz છે અને પીક બ્રાઈટનેસ 1800 nits છે. હેન્ડસેટમાં ધૂળ અને પાણીના પ્રતિકાર માટે IP68 રેટિંગ છે. ડિવાઇસમાં મીડિયાટેક ડાયમેન્શન 7200 અલ્ટ્રા પ્રોસેસર, 16 જીબી રેમ અને 512 જીબી સુધી ઇનબિલ્ટ સ્ટોરેજનો વિકલ્પ છે. ઉપકરણને પાવર કરવા માટે, 5000mAh બેટરી આપવામાં આવી છે જે 120W ફાસ્ટ વાયર્ડ ચાર્જિંગને સપોર્ટ કરે છે.
ફોટોગ્રાફી માટે, Redmi Note 13 Pro Plusમાં પાછળના ભાગમાં 200-megapixel પ્રાથમિક સેન્સર છે. ફોનમાં સેલ્ફી અને વીડિયો કોલિંગ માટે 16 મેગાપિક્સલનો ફ્રન્ટ કેમેરા છે.
Redmi Note 13 Pro
Redmi Note 13 Pro માં મોટાભાગના ફીચર્સ Redmi Note 13 Pro Plus જેવા જ છે. આ સ્માર્ટફોનમાં થોડું ઓછું પાવરફુલ Qualcomm Snapdragon 7s Gen 2 પ્રોસેસર છે. ફોનને પાવર આપવા માટે, તેમાં 5100mAh બેટરી છે જે 67W ફાસ્ટ વાયર્ડ ચાર્જિંગને સપોર્ટ કરે છે.
Redmi Note 13
Redmi Note 13 સ્માર્ટફોનમાં 6.67 ઇંચની AMOLED ડિસ્પ્લે છે. સ્ક્રીનનો રિફ્રેશ રેટ 120 Hz છે. ડિસ્પ્લેની પીક બ્રાઇટનેસ 1000 nits છે. હેન્ડસેટમાં મીડિયાટેક ડાયમેન્શન 6080 પ્રોસેસર છે. ફોનમાં 12 જીબી રેમ અને 256 જીબી સુધીની ઇનબિલ્ટ સ્ટોરેજ જેવી સુવિધાઓ છે. આ Redmi ઉપકરણને પાવર આપવા માટે, 5000mAh બેટરી આપવામાં આવી છે જે 33W ફાસ્ટ ચાર્જિંગને સપોર્ટ કરે છે.
ફોટોગ્રાફી માટે, Redmi Note 13માં ડ્યુઅલ રીઅર કેમેરા સેટઅપ છે. ફોનમાં 100MP પ્રાઈમરી રીઅર સેન્સર છે. આ હેન્ડસેટમાં સેલ્ફી અને વીડિયોકોલિંગ માટે 16 મેગાપિક્સલનો ફ્રન્ટ કેમેરા છે.